Teks MC Bahasa Jawa

TEKS PRANAATA ADICARA

 

السلام عليكم ورحمة الله وبركاته

اَلْحَمْدُ لِلّهِ رَبِّ الْعَالَمِيْنَ, اَلَّذِى بِتَوْفِيْقِهِ وَهِدَايَتِهِ جَعَّلَنَا مِنَ الْمُتَعَلِّمِيْنَ وَالْمُعَلِّمِيْنَ , اَلَّذِى بِتَوْفِيْقِهِ وَهِدَايَتِهِ جَعَّلَنَا مِنَ الْمُطِيْعِيْنَ وَالتَّابِعِيْنَ لَهُ وَلِرَسُوْلِهِ الْكَرِيْمِ  وَالصَّلَاةُ وَالسَّلَامُ عَلَى سَيِّدِنَا مُحَمَّدٍ سَيِّدِ الْأَوَّلِيْنَ وَالْأَخِرِيْنَ ,أمّا بعد .

Nuwun sagunging kinurmatan katur dumateng poro alim ulama’ ingkang rinten dalu tansah sumanding kitab suci wahyuning Ilahi, minongko panuntun kiblating panembah ingkang satuhu luhuring budi.

Dumateng  Kiayi H. Rohadi Agus Salim  ingkang tansah kito tenggo-tenggo menggah punopo ingkang dados atur fatwa utawi mauidzoh ipun.

Dumateng poro pepunden, poro  sesepuh pinisepuh ingkang hanggung mastuti , dumateng pepayaning kautaman ingkang pantes pimundi.

Dumateng poro pangemban pangembatingting projo, satrianing nagari minongko dados pandam pandoming poro kawulo dasih ingkang kinasih.

Minangkani purwakaning atur, Sumonggo tansah kulo Derek aken ngaturaken pujo-puji syukur wonten ngerso dalem Alloh SWT ingkang moho kuoso ,kerono sih wiloso mewah barokah ingkang rumentah dating panjenengan sedoyo dalasan kulo, katitik ing kalodangan meniko kito sedoyo saged makempal, manunggal, saperlu midangetaken pengaosan.......

Rahayuning widodo soho tambahing rubo keselametan mugiyo tansah katur kunjuk wonten junjungan kito , Nabi Muhammad SAW . Panjenenganipun salah setunggaling prio agung, mustikaning bawono ingkang dados cundakaning Gusti ingkang akaryo luko kangge amilujengaken poro jalmo ,awit saking marco podo atumuju syurgo luko,soho salah setunggaling Nabi ingkang mbeto agami ingkang hak, ingkang leres soho ingkang paring syafaat dumateng umat ipun mbenjang ing dinten Qiyamat. Ing pangestu soho pandongo ,mugi-mugi kito sedoyo tansah katetapan dados umat ipun soho pikantuk syafa’at saking nabi Agung Muhammad SAW Amiin.

Poro rawuh, Keparingo kulo matur soho ngempil kamardikan panjenengan rikalonipun saweg sakeco imbal wacono atur pangandikan, bilih ing mriki kulo kumowaton lenggah wonten ing ngarso panjenengan ,mboten ateges ngilangi toto trapsilo,ananging kulo ing ngriki ingkang nampi ayahan pinercoyo saking sedoyo konco-konco kinen dereaken menggah runtuting adicoro ingkang lumampah wonten wedal puniko.Mboten namung pambagyo sugeng rawuh awit rawuh panjenengan sedoyo, soho hanyekecaaken lenggahipun kalayan nenggo titi adicoro kawiwitan.

Sak dereng ipun adicoro kalampah, langkung prayuginipun kulo waos aken menggah reronceneng adicoro ingkang bade lumampah wonten kalodangan meniko.

1.      Pambuko

2.      Waosanb suci kita  Al-qur’an

3.      Atur pambagyo

4.      Mau’idhoh kasanah

5.      DOA

6.    Panutup

            Mekaten kolowahu menggah rantamaning adicoro ingkang bade lumampah wonten ing dalu meniko.

            Pramilo sumonggo acoro ingkang ongko setunggal kito bikak sesarengan kanti washilah surat Al Fatihah. Mugi-mugi hadicoro ingkang badhe kito lampahi mangke purwo madyo usono mboten wonten setunggalipun alangan punopo-punopo. Amin 3x Yarobbal ‘alamin.

لرضاء الله ولشفاعة رسول الله . الفاتحة ...

            Ndungkap lumampahing titi laksono menggah runtuting  acoro ingkang ongko kalih inggih meniko waosan pustoko suci Al-quran, ingkang  bade dipun waosaken dining sederek kulo......sasono wicoro  kasumonggo

          Lumebet adicoro ingkang ongko tigo inggih meniko pamagyoharjo

Dumateng panjenenganipun kawulo aturaken matur sembah nuwun.

Lumebet adicoro ingkang ongko sekawan inggih meniko adicoro ingkang kito tenggo-tenggo, inggih puniko muidhoh hasanah ingkang badhe dipun aturaken dening panjenenganipun almukarrom bapak Kiayi H. Rohadi Agus Salim Dumateng panjenenganipun bapak Kiayi H. Rohadi Agus Salim wekdal soho panggenan kawulo aturaken. (petugas mauidhoh maju )

Kawulo soho sedanten panitia / shohibul bait ngaturaken matur sembah nuwun dumateng almukarrom bapak Kiayi H. Rohadi Agus Salim ingkang sampun kerso maringi mauidhoh hasanah wonten ing dalu puniko, mugi-mugi ingkang sampun dipun aturaken kolowahu mbeto pinten-pinten hikmah manfa’at barokah dunyo soho akhirot.

Ndungkap lumampahing titi laksono menggah runtuting adicoro ingkang ongko enem inggih puniko do’a pamungkas .Wondene wonten wedal meniko kulo suwun aken barokah doa nipun deneng panjenenganipun Almukarrom Bopo KH. Anas Syafi’i Dumateng panjenenganipu nwekdal soho panggenan kanti sahandaping raos dipun sumanggaaken ...

Poro rawuh sedoyo ,bilih pawiyahan wonten ing wekdal meniko angsal berkah rahmatipun Alloh SWT. Tuwin pijo-puji astuti saking poro rawuh sedoyo sampun kalampah wilujeng nirboyo nir sambikolo,kanti meniko kito tutup sesarengan kanti waosan tahmid biqouli :الحمد لله رب العالمين 

            Nuwun poro rawuh sami saperlu nguntapaken kunduripun poro rawuh sedoyo soho ngaturaken gunging panuwun ingkang mawantu-wantu kanti hasesanti pujo-piji, mugi-mugiporo rawuh tansah suko rahayu ,yuwono, waluyo ingkang pinanggiho .Amiiin

            Saking kawulo sampun anggadahi katah kasar saruning rembak soho kirang trap silahing atur ,kulo nyuwun agunging pangaksomo wusono kulo pungkasi…

و السلام عليكم ورحمة الله وبركاته